غبار الزمان الجزء الثالث

غبار الزمان الجزء الثالث

بيقولك..اوعي ف يوم تنادي على حد. سابك او فارق او بعد عنك.... اوعي تعملها .... اللي مشي،،،، مشي بمزاجه.... بدون اي عودة... خلاص.... سواء كان حد جديد أو قديم ف حياتك.... اللي اختار يمشي.... دا افضل ليه و ليك.... لانه اكيد مش مستريح معاك ولا انت كنت هتكون مستريح معاه.....

غبار الزمان الجزء الثالث

نخش ف المفيد....

🌿🌿🌿🌿🌿🌿🌿🌿🌿🌿🌿🌿🌿🌿🌿🌿

اهلا و مرحبا بكم في الجزء الثالث من قصة (غبار الزمان)

كنت مع جدي لما قال اسمع و ركز....

انا : سامع و مركز يا جدي...

جدي مبستم هههه: لا... مش انا اللي هقولك.... استنى....

رأفت السياف قام من مكانه و راح علي دولاب زي النيش كدا لكن كله كتب... سحب منهم كتاب قديم جدا.... هو الكتاب نضيف فشخ... لكن ورقة زي الورق البردي كدا.... جدي جاب الكتاب دا و رجع ليا....

رأفت : اتفضل.... اقرأ الكتاب دا و بعدها هحكيلك كل حاجة...هسيبك انا تقرأ براحتك.... الكتاب هياخد منك شوية حلوين... ف الوقت دا.... تكون قرأته...

جدي رأفت سابني و خرج من المكتب.... و انا مسكت الكتاب.... غلاف الكتاب من الجلد.... و عليه رسومات الفراعنة.... زي اللي موجودة ع المعابد و القصور الفرعونية.... و عليه رسمه ملك بيحارب العدو.... انا شوفتها قبل كدا ف كتاب الدراسات ايام ما كنت صغير.... دي لوحة الملك مينا.... فتحت الكتاب و بدأت اقرأ....

في الكتاب....

منذ ٧٠٠٠ عام

حق الموت على من يزعج الملك المعظم حاكم مصر و العارف بأمرها.... خذ بركة النيل المقدس.... فاالنيل هو شريان الحياة.... لا تزعج الموت فتموت... و اعلم انك تلاقي العذاب....

قائد الجيش دخل قصر الحاكم.... و طلب اذن لقاء الملك.... و بعد برهة... اذن له الملك بالدخول عليه في قاعة الحكم.....

دخل قائد الجيش و انحني امام الملك ثم استقام فقال..

قائد الجيش : يحيا الموحد و الملك القائم على أمور مصر المقدسة.....

الملك مينا بغرور و شموخ : اهلا بقائد جيش مصر المنتصر و الذي عاونني على توحيد البلاد... ما الخطب... قليلا ما تأتي تراني....

قائد الجيش :. مولاي حاكم مصر.... لقد استطاع الهيتيين زعزعة الاستقرار في بعض القرى و المدن.... اطلب الأذن منك عظمتكم ان انزل بهم البأس الشديد...

الملك مينا قد استشاطه الغضب بل و قد عزم على الخرج بنفسه بيقتل حفنة البدو هؤلاء لكن قائد الجيش قال...

قائد الجيش : مولاي... لا داعي لكم... فهم حفنة من البدو سأنزل بيهم أشد العذاب و البطش فلا تغضب سيدي...

الملك مينا : حسنا... اطلب منك ان تثأر منهم و من يقع ف الأسر منهم ضعه في مزارع دولتنا ليعمل و يزرع فنحقق الفائدة من هؤلاء العبيد... اجمع الجيش و اذهب و لتأتني برأس صاحبهم.... معك بركتي انا حاكم مصر المقدسة... انصرف الان و اعمل ما امرتك...

انصرف قائد الجيش... و بعد بضع ايام عاد القائد و طلب الأذن برؤية الملك و بالفعل مثل امام الملك و انحني أمامه ثم استقام فقال...

قائد الجيش : يحيا حاكم مصر العظيم القاضي على هيتيين و من منهم... حاكم مصر المعظم... الملك مينا.... نارمر.... اتيتكم بالبشرى مولاي.... فقد اثخنت فيهم القتل حتى قطعت رأس قائدهم و اسرت منهم الكثير و ارسلتهم الي المحاجر و المناجم و أرض النيل المقدسة للزراعة لنحقق منهم الإفادة....

الملك مينا مبستم : اري ان قائد الجيش و صاحبي... قد انجز الحرب على أكمل وجه.... حسنا... اما ما يخص العبيد الذين اسرتهم..... فليعملوا و لكن احرص على كسائهم و طعامهم و شرابهم.... فلا داعي ليموتوا جوعا او ظمأََ...اما انت فلك مني مكافأة عظيمة... لك من الماشية ٥٠٠ رأس و من الارض ما يكفيك لتزرعه بالعبيد خاصتك.... لكن اعلم... انك ان أسأت و اهملت الماشية و الأرض.... لن يرضيني غير رأسك.... انصرف الان الى عملك....

عندي انا.....

قرأت الشوية دول و طبعا. كان فيه تفاصيل كتير جدا لكن دا اللي طلعت بيه.... بس حاجة. جامدة الصراحة.... يااااه من ٧٠٠٠ سنة اللي كان يفكر يقرب من البلد دي كان بيتحط عليه بالجامد.... كان بيطلع عينه و بيتفشخ... اومال احنا خايبين كدا ليه.... مالنا كدا... واقعين واقعة زي الزفت.... لكن ثانية واحدة..... هو ازاي انا قدرت اقرأ الهيروغليفية..... خخخخخ.... ايه اللي بيحصل.... انا مش متعلم اللغة دي.... ازاي قدرت اقرأها و اكون فاهم كدا.... ما الكتاب القديم دا مكتوب بالهيروغليفية ...... انا مش فاهم حاجة....

عند جدي و عمي رائد....

جدي اخذ بعضه لما. سابني و نزل ل عمي رائد و وقتها خالي حسان سلم على جدي و اطمن عليه و مشي... و خالي و جدي قعدوا مع بعض....

رأفت : انا اديته الكتاب يقرأه... أما نشوف هيعمل ايه....

رائد : متقلقش يا حج... انا متأكد ان أدهم هيقدر يقرأه زي ما انا و اخويا قرأنته قبله....

و بعد كدا عمي رائد حكي ل جدي حوار ثابت القاضي... و جدي وقتها مش اتعصب بالعكس دا ابتسم كدا و قال...

رأفت السياف مبتسم : أدهم علم عليه و هي مش عارف حاجة.... اومال لو عرف ههههه... أدهم من ضهر راجل ميتخافش عليه.... بالنسبة ل ثابت القاضي... ليه عندنا غلطة كمان... و عيلة القاضي بعدها تتمحي زي ما. عملنا مع غيرها....

قعدوا يتكلموا كتير ف مواضيع كتير جدا... لكن فجأة انا نزلت من السلم و انا متوتر و خايف شوية....وصلت ليهم....

انا : ايه َ.. ايه اللي بيحصل ليا انا مش فاهم... َ. انا ازاي قرأت كتاب بالهيروغليفية... لاااااا انا عايز افهم فيه ايه.... عمي انت قولت ان دا الوقت اللي خلاص هفهم فيه كل حاجة.... فهمني. بقا.... و الا هبعد عنكم.... انا دماغي مش ناقصة....

رأفت : اهدى يا أدهم... هتفهم كل حاجة لما تخلص الكتاب دا كله... تمام.

انا ب ملل :. حاضر.... انا.المفروض انام. فين....

رائد : في اوضة. ابوك يا ابني...

عمي. وصف ليا اوضة ابويا كانت فين و فعلا اخدت بعضي و طلعت اترميت ع السرير....

تاني يوم. الصبح.....

صحيت و لبست و جهزت نفسي.. و سلمت على جدي...

انا : صباح الخير يا جدي.... فين عمي رائد...

رأفت : عمك راح الشغل من بدري.... صاحي بدري ليه انت كمان...

انا : عندي جامعة يا جدي... و غايب بقالي فترة بسبب حوار كدا...

رأفت : طب امسك. خلي دول معاك و دا مصروفك كل يوم....

لاقيت جدي بيطلع من جيبه الفين جنيه.... ساعتها انا وقفت ف مكاني و سيبته و هو مادد ايده.... و بصيت ليه ببرود كدا و اخدت بعضي و مشيت.... بدون ما افتح بقي ب حرف.... و هو مكنش فاهم... و ساعتها اتصل ب خالي حسان...

حسان : الو... الكبير بنفسه....

رأفت : يا ابني... انا بدي النهاردة ل أدهم فلوس... لكنه رفضها و سابني و مشي...

حسان ب حزن : لااا يا حج... هو عمره ما يقبل على نفسه جنيه و دايما بيشتغل و بيصرف على نفسه....

رأفت : نعم يا حسان.... لا معلش مش ساااااامع..... أدهم بيشتغل يا حسان.... ليه مكنتش تغضب عليه ياخد منك فلوس.... كأن حفيدي انااااا....،،، انا الحاكم يا حسان....تخليه يروح يشتغل....

حسان: يا حج انا غلبت معاه اصلا... طلع عيني معاه يا حج... اجيله يمين... يجي شمال... و كذا مرة يقول.... لو ابويا عايش كنت رضيت اخد منه هو بس....

رأفت ب عصبية : اقفل يا حسان بدل ما يطولك شري.... اقفل يلا...

المكالمة انتهت و جدي بقا قاعد مش طايق نفسه و لكن فجأة واحد من الجاردات دخل ليه في القصر و قال...

جارد: عالي المقام..... رانيا الأحمدي منتظرة حضرتك في جنينة القصر...

رأفت هدي شوية : تمام يا ابني ارجع مكانك. و شوف شغلك...

جدي رأفت بعدها قام و اخد. بعضه و طلع الجنينة ل امي رانيا الأحمدي.... و هي لما شافته... انحنت ليه و اتعدلت و بعدها جدي اخدها في حضنه و سلم عليها....

رأفت : طمنيني عليكي يا رانيا....

رانيا : بخير يا عمي... ينفع اللي أدهم بيعمله دا...

رأفت مستغرب : أدهم عمل ايه يا بت انطقي....

رانيا : رافض يكلمني او حتى يبصلي... و مفكر اني رمتيه بمزاجي... اعمل ايه يا عمي ما تربيته كانت هتكون صعبة عليا... هو من العيلة بتاعتكم عيلة السياف... محدش يقدر يربيه غير حد منكم و عمته ميادة هي اللي ربته... انا مكنتش هقدر... و حضرتك فاهم ليه...

رأفت : كلامك صح... خلاص هتكلم انا معاه... طمنيني عليكي و على جوزك... عادل و مريم و عمر عاملين ايه...

رانيا : عمر و مريم زعلانين مني... مفكرين اني رميته ب مزاجي....و عادل كويس يا عمي...

رأفت : معلش يا بنتي..... لو كان ابني... ابو ادهم عايش... كان زمان الكلام كله غير دلوقتي.... بس ملحوقة.... هكلم أدهم و هخليه يجي ليكي بنفسه و يعتذر منك...

رانيا : يا عمي.... مش عايزاه يكون مجبر على حاجة... انا بس عايزة ابني يسامحني و يعاملني ك ام ليه....

رأفت ب نبرة حادة : قولتلك خلاص... ايه مش بتفهمي يا بت...

رانيا اتوترت خالص لكن قالت...

رانيا: ش ش ش شك شكرا يا عمي... هقوم انا علشان الاولاد.....

رأفت : بلغي سلامي ليهم.. دول اخوات أدهم برضو... اتفضلي...

رانيا الأحمدي قامت مشيت و جدي قعد زعلان من الكلام اللي سمعه منها و اني رافض اكلمها. و بعاملها وحش...

عندي انا.........

وصلت الجامعة و دخلت من البوابة و لاقيت هشام العجمي في وشي....

هشام : اخويااا اللي قام بالسلامة.... طمني عليك

انا ب هدوء : انا كويس يا صحبي... انت عامل ايه... طمني عليك....

هشام : انا كويس متقلقش.. عايزك ف موضوع كبير الصراحة..... و انت اللي تقدر تخلصه....

انا مستغرب : مفيش مشكلة... بس موضوع ايه دا...

هشام : تعالي نقعد نشرب حاجة الأول....

انا : لا طبعا انا غايب بقالي فترة... نخلص اللي ورانا و نقعد نتكلم براحتنا... يلا بينا ع المحاضرة....

دخلنا المحاضرات بتاعت اليوم كله و بعد ما خلصنا... رجعت انا و هو قعدنا في الكافتيريا.....

انا : ارغي يا رايق....

هشام ب هدوء : بحبها يسطااا و عايز اتجوزها....

انا مستغرب : هي مين...

هشام : بص يا أدهم.... انا طول عمري دغري.... انا يشرفني اطلب ايد سارة بنت خالك حسان....

انا بفكر : بس ازاي تعرفها،،،، هشام اوعي تكونوا عارفين بعض من ورايا....

هشام : قابلتها من يوم و فعلا فاتحتها في الحوار و هي قالت اللي أدهم و ابويا حسان يشوفوه... انا هعمله....

انا ب حزن : مش عيب...

هشام مستغرب : عيب ايه... انا طالبها ف الحلال و عارف انها أكبر مني لكن دا مش يمنع جوازها من بعض... و انت اهو انا مش غريب عنك...

انا بحزن : مش عيب يا صحبي تروح تكلمها و تفاتحها في الحوار دا... هي مسئولة مني انا و خالي... عيب ولا مش عيب... انا كنت قدامك على طول ايه اللي جد جديد...و هي ليها رجالة تسأذن منهم الأول مش. كدا ولا ايه.... بص يا هشام.... خلاصة الحوار.... مش قبل سنة من دلوقتى و بعد ما السنة تخلص تيجي تتنيل تتجوزها طالما هي راضية بيك... طب ليه سنة... علشان تكون خلصت دراستك و ساعتها خالي هيوافق... لكن قبل ما تخلص... خالي مش هيوافق...انت غلطت يا صحبي... كان الأولى انك تروح تكلم ابوها او تكلمني.... لكن تمام... بيني و بينك مبقاش.... خلاص بح... من النهاردة لا احنا حبايب ولا انا اعرفك ولا انت تعرفني.... و دي اخر مرة هقولها.... سلاااام..

هشام اتخض من كلامي... : يسطا استنى مش كدا.... يا أدهم انت فاهم غلط... يا اخويا ميصحش كدا... و بعدين ما انا جيت اخد اذنك اهو... يسطا مش هقدر اخسرك...

انا : مبقاش ليه لازمة الكلام... باي..

سيبته و اخدت بعضي و ركبت مواصلات لحد ما وصلت ل بيت خالي و كان الليل دخل علينا.... كنا المغرب... و دا وقت رجوع الكل من شغلهم... و بعد نصاية كنت وصلت... طبعا الجاردات عارفين انا مين و سابوني ادخل.... دخلت و خبطت ع الباب و خالي اللي فتح ليا...

حسان مستغرب : أدهم... اتفضل يا حبيبي ادخل... تعالي اقعد معانا....

دخلت سلمت على الكل و سلمت على عمتي ميادة و بوست ايدها و بعدها قولت....

انا مكشر : سلمي.... خدي بعضك و اطلعي فوق.... يا خال.... استأذنك تاخد ميادة و تسيبني انا و سارة لوحدنا....

سلمى مستغربة : حصل ايه طيب فهمنا....

انا ب زعق و مكشر : قولت اطلعي فوق.... غوري من وشي... يا خال... خد مراتك و سيبني انا و سارة لوحدنا.... اتفضل من فضلك انا على أخرى و جاي اقول ل سارة كلمتين.....

حسان : طب فهمني يا ابني.... و عيب صوتك يعلي. و انا موجود و ميادة موجودة.....

انا هديت شوية : هفهمك.... لكن افهم انا الأول و بعدها هفهمك. اسمع بس مني... و سيبني انا و سارة عايز اكلمها شوية...

خالي : احنا هنكون ف المطبخ. طيب...

انا : يا خال... من فضلك. مش. عايز حد ف الدور الأرض و متقلقش بنت اهي. مش. هاكلها. يعني...

بعد شوية. كان خالي و مراته و سلمى طلعوا فوق..و انا كل دا باصص ف عين سارة ب غضب

انا : ايه...

سارة : ايه... مش. فاهمة...

انا : ايه علاقتك بيه يا سارة...

سارة فهمت انا عايز اقصد مين....و ردت قالت...

سارة : كنت عارفة انت جاي ليه... انا و هشام بنحب بعض يا سيدي... و هو طالبني ف الحلال....

انا بحزن : ههه.... شبع من الحرام ف قال الحلال احسن مش. كدا....بصي بقا... خروج من البيت تاني مش هيحصل.... شغلك دا مش. هتروحيه.... و لما يخلص. الجامعة بعد سنة يبقى يتنيل يجي يطلبك من ابوكي.... تمام ولا مش. تمام....

سارة اتعصبت: انت بتقول ايه... يظهر انك صدقت نفسك... انت ابن عمتي لكن ملكش كلمة عليا.... انا حرة اعمل اللي انا عايزاه......

انا : ههههه... لما نشوف... و زي ما قولت... خروج من البيت مفيش.... يلا يا قطة اطلعي نامي... اطلعي جتك القرف... صحيح...هاتي التليفون.... او افتحيه و أمسحي رقمه من فونك دلوقتي حالا... و اعملي ليه بلوك في كل حاجة عندك...

سارة بتزعق.. : دا بعينك... امشي اطلع برا متدخلش البيت دا تاني...

ساعتها خالي و ميادة لما. سمعوا الصوت اخدوا بعضهم. و نزلوا جري و بعدهم سلمى....

حسان : ايه يا ولاد مالكم... بتزعقي ليه يا سارة....مالك.يا أدهم حصل ايه....

حكيت ليه حوار هشام لحد ما انا فاهم....

حسان : ميادة.... خدي بنتك تطلع فوق في اوضتها و لو حصل ف يوم و خرجت من البيت... هطلقك... و أدهم كلمته من كلمتي.... سعمتي يا سارة....

انا : هاتي فونك يا بت انتي....

اخدت الفون بتاعها و مسحت رقم فون هشام و عملت ليه بلوك ف كل السوشيال ميديا...و مسحت كل حاجة تخصه بحيث مش. تعرف توصل ليه تاني....

انا : انتي يا بت اسمعي كويس.... خروج من البيت تاني.... لا يمكن.... شغلك دا معدش ليه لازمة... لان المفروض بعد سنة الشملول هيجي يتقدم. و تتهببوا تتجوزوا... و كمان شغل ليه و انتوا مش محتاجين... سلمااااااا... اختي مش تخرج غير رجليها على رجلك.... و ملهاش خروج غير يوم واحد بس ف الاسبوع.... يوم الجمعة... لكن لو عرفت انها خرجت ف يوم غير كدا بدون علم خالي او علمي... الحوار هيطولك و هتبقي زيها كدا ملكيش خروج.... و انتي يا بت.... استحملي لحد ما السنة تخلص... اهو تتعلمي الادب شوية و كنتي تحترمي ان ليكي رجالة... المفروض تعرفيهم انه عايز يكلمك. اصلا.... اتفضلي اطلعي انتي و هيا.... عايز حاجة يا خااال... انا هروح انا علشان جدي مش. يقلق عليا... سلام....

سيبتهم بدون حتى ما اعرف او اسمع هما قالوا ايه و اخدت بعضي و طلعت من الفيلا و اتحركت على القصر بتاع العيلة... دخلت القصر و لاقيت جدي بينادي عليا و هو قاعد ف الجنينة....وصلت ليه و لاقيته قال...

رأفت ب نبرة. حادة : اسمع يا أدهم... حالك مش عاجبني خالص... امك و مش طايقها و كمان مش. بتاخد. مني. فلوس ليه.... و عرفت من خالك انك كنت بتشتغل... الكلام دا مش. ناافع... انا جدك. يعني انت تيجي و تطلب اللي نفسك فيه.... و بالنسبة. ل امك... انت ظالمها... هي مش. رمتك... مكنش ينفع حد يربيك الا ميادة... بالعربي كدا.... علشان نربي. حد. من عيلة. السياف.... لازم. حد من. العيلة هو اللي يربيه.... امك. مكنتش هتعرف تربيك. خالص.. و لما. تخلص الكتاب وقتها. هفهمك. كل حاجة.... اعمل. حسابك بكرة. تروح. تطمن على اخواتك و على امك... و زي ما قولت... انت ظالمها....

انا ب هدوء : حاضر يا جدي.... معلش ف موضوع امي.... يا ريت تسيبني براحتي... ع الاقل لحد. ما. افهم.... لكن وعد ليك هروح بكرة و اتعامل معاها. عادي... هقوم انا اكمل. قراءة في. الكتاب بقا....

عند. عمي راائد...

عمي رائد بعد ما. خلص شغله اخد بعضه. و ركبت عربيته و اتحرك على مطروح و بعد كام ساعة وصل فيلا ثابت القاضي... دخل الفيلا بعد ما الجاردات فتحوا البوابة و ركن العربية ف الجنينة و نزل خبط ع الباب و فتح ليه ثابت القاضي اللي. كان خارج. يقابله اصلا.... وقتها عمي زقه جوا البيت و بعدها ثابت القاضي اتخض و وقتها عمي مسكه من رقبته و رفعه فوق و هبده ع الأرض و كل دا و هو، عادي بدون اي تغيير ف ايده او عينه.... بعدها. رفعه تاني و طبعا ثابت القاضي. بيصوت من. الوجع... عمي شاله و رماه من الشباك بتاع الصالة.... و هو طلع برا في الجنينة.... الجاردات لما شافوا ثابت القاضي مرمي كدا... جريوا عليه و وقتها كان عمي خارج من الباب و راح ليه و الجاردات واحد منهم جري على عمي رائد بيضربه لكن رائد مسك. ايده و كسرها و بعدها ثابت زعق و قال.....

ثابت بيتوجع و بيزعق : ابعدوا عنه... هيقتلكم... ابعدوا.... ايه يا كبير حصل ايه لكل دا....

رائد ب هدوء : غلطة كمان غير غلطة أدهم... و ساعتها هنقول وداعا ل عيلة القاضي....

عمي سابه و مشي راح ل عربيته ركب العربية و اخد بعضه و ركب العربية و طلع من الفيلا...

عند خالي. حسان...

خالي لما. انا مشيت قعد مع سارة. هو و ميادة. و سلمى...

سارة : عاجبكم كدا.... هو ملوش كلمة عليا....

حسان : لا ليه كلمة. عليكي. لانه ابن عمتك و كمان انا اكون خاله و فوق كل دا.... بعد فترة و تقريبا الفترة دي هتخلص قريب... أدهم هيكون ليه كلمة ع البلد كلها... و انا هكلم. أدهم و هاخد رقم هشام منه و هكلم. هشام دا.. هو اسمه ايه و ليه عيلة ولا زيه زي باقي الناس...

سارة : لا... هو ليه عيلة.... عيلة العجمي... و انتوا عارفين كويس انهم محترمين و ف حالهم.....

حسان مبتسم : كويس....هكلمه انا. مش تقلقي... بس. كلام أدهم. هيتنفذ.... مفيش. خروج تاني الا يوم. الجمعة و تخرجي وقتها مع امك او اختك او معايا.... يلا يا بنات اطلعوا فوق و انتي يا سلمى مش تزعلي. من أدهم و طريقته...... الشرف و العرض مفهمش هزار... و هو دمه حامي زي ابوه و عمته مش كدا ولا ايه يا ميادة....

ميادة : اسكت يا حسان.... أدهم دخل مكنش حد عارف يكلمه.... زي اخويا اللله يرحمه... يلا يا بنات على فوق....

عند ثابت القاضي....

بعد ما عمي رائد مشي من عنده.... الجاردات ساعدوه يقوم و هو دخل الفيلا و الجاردات كل واحد رجع مكانه... ثابت دخل و اتصل ب يارا بنته....

ثابت : الو... يارا... هاتي كل. ما يخصك لان من هنا و رايح مش هنعتب القاهرة تاني الا ف اضيق الظروف...

يارا قلقت : ليه... ايه اللي جد جديد...

ثابت : عيلة السياف دخلت ف الحوار بسبب أدهم.... و دول حكام البلد... مقدرش اعمل قصادهم حاجة.... لمى حاجتك و ارجعي على هنا فورا.... باي...

بعدها ثابت قعد يكلم. نفسه....

ثابت : تلت عائلات علموا عليا ف وقت قصير... و آخرهم رائد السياف... بس كويس ان الحوار ملموم بدل ما كانت سمعة العيلة تبقى ف الارض... الخطة كلها وقعت... و كدا الناس برا يزعلوا.....لازم.اكمل اللي بعمله او هضيع...

عند هشام العجمي....

هشام كان بيحاول يتصل ب سارة لكن هي اختفت و طبعا انتوا عارفين ليه.... اتصل بيا لكن انا مش. رديت عليه خالص و طنشته.... مش عملت بلوك... بالعكس انا عايزه يتصل و يعرف ان فوني بيرن... لكن ف نفس الوقت هو يفهم اني مش عايز اكلمه.... قعد مع نفسه و بقا عمال يفكر يصحح اللي عمله ازاي و ملقاش غير انه يعرف اهله و يروح يخطب سارة و زي ما تيجي تيجي و خلاص....مسك. فونه و اتصل. ب ابوه.... عيلة العجمي عايشين ف اسكندرية....

هشام : الو... يا حجوج... طمني عليك. و ماما أخبارها ايه....

ابوه فرحان؛ كويسين كلنا يا ابني... ركز كدا علشان امتحاناتك بقا و سلم ع الواد أدهم اوي...

هشام؛ هيوصل يا حج...انا اتصلت علشان اكلمك. ف موضوع كدا... بصراحة... انا عايز اخطب... و عارف انه مش. وقته ولازم. اخلص الجامعة.... لكن عجلت بحوار الخطوبة دا علشان محدش غيري يتقدم.... و كمان علشان البنت... هي كويسة و جدعة و بنت ناس كمان يا. بابا...

ابوه : لو البنت مش. من العائلات.... انا هرفض. على طول...

هشام مبتسم : عارف يا بابا... هي من العائلات... اسمها سارة. يا حج.... سارة الأحمدي....

ابوه فرح فشخ : الأحمدي حتة واحدة يا ابن الكلب.... اخ منك.... طلعت سهن ياض... ع العموم.... خد من والدها معاد و هاجي و نروح ليهم...

هشام فرحان؛. متشكر يا حج... يخليك ليا دايما...

ابوه : هفرح بيك يا جزمة هههه يلا اعرف و بلغني.... باي..

المكالمة انتهت.....

عندي انا....

قاعد بقرأ ف الكتاب لكن سمعت صوت خبط زي ما يكون حد بيضرب حاجة..... او بيضرب كيس الملاكمة.... ف اضطريت اطلع من الاوضة و نزلت اشوف فيه ايه.... نزلت الدور الأرضي لكن برضو مش. فيه اي حد.... بصيت ع الجنينة.... جدي مش. موجود.... و عمي برا البيت و لسه مش. جه.... دخلت تاني القصر و سمعت الصوت برضو.... فصلت ورا الصوت لحد ما عرفت انه جاي من اوضة.... لكن باب الاوضة مش راضي يفتح... رجعت خطوة ل ورا و هبدته ب رجلي كسرت و فعلا دخلت الاوضة..... و لاقيت اللي عمري ما كنت اتوقعه في قصر زي دا..... يتبع

معلش يا جماعة.... الجزء صغير انا عارف... لكن فعلا مش. ب ارادتي.... يا ريت تعذروني.... قولت انزل النهاردة لاني وعدتكم....

ياااااه ع الدنيا اما تخليك حاسس انك كبير و تقيل و محدش قدك... تحسسك انك فشيخ.. سوبر مان... محدش زيك... و هب ترزعك الخازوق المتين... تنزلك تحت الارض ف ثانية... توديك ورا الشمس..... تخليك نملة بالمعنى الحرفي.... تخليك مذلول... زيك زي اقل واحد ف الخلق... و يمكن أقل منه كمان... ايوا.... هي دي الدنيا.... ملهاش اماااان.... اوعي تسيب نفسك للدنيا.... حط الدنيا ف كل حساباتك.... اهو ع الاقل لو خسرت.... ميبقاش خسارة فاضحة.... دي نصيحة... و الدور عليك.... يا تاخد بالك يا تسيب نفسك ليها... و صدقني.... مفيش حد الا و اتلسع... باي.....

🌿🌿🌿🌿🌿🌿🌿🌿🌿🌿🌿🌿🌿🌿🌿🌿

ليصلك كل جديد تابعنا بالضغط على الصورة

• غرّد
• شارك
• شارك
• شارك
• شارك